قصيدة : ذوي الهمم . مسابقة الشعر العامي بقلم / برديس أحمد فوزي عاشور

الإسم: برديس أحمد فوزي عاشور

الشهرة: برديس أحمد

جمهورية مصر العربية/دمياط

رابط صفحة الفيسبوك:https://www.facebook.com/bardis.ahemdashour?mibextid=ZbWKwL

نوع النص: شعر عامي

إسم القصيدة: ذوي الهمم

قصيدة/ ذوي الهمم

أنا ابني معاق

وبنت جيراني

من غير إشفاق

مش جاية أعاني

أنا حابة يا بيه

يبقي له حقوق

والله أبوه في سن

الخمسين لكنه ما ملش

رزقه موجود

والجود بالجود

و أهـو ماشين

و الحمد جوانا معشعش

لكني سمعت كلام من أم حسين

بتقول إن عيالنا الحلوين

الدولة بعظمتها هتأمن ليهم

مستقبل عال

و ف كل مجال

هتلاقي ولادنا مكتوب عنهم

في صحافة و فيس و إنستجرام

الله يا سلام

طب يلا يا حجة

هناخد صورة لإبنك وجيرانك

نرفعها علي الفيس وأنا خدامك

لأ آسفة يا بيه

لو فيها صورة وتشهير بعيالنا

أنا أصلي من حتة أرياف

و الصورة هتتشاف

ويقولوا جنابك

باشحت بالواد

خلينا ف حالنا

مش ناقصة كلامهم

هتقول لي خايفة

ها قول لك إسأل ست سعاد

من يوم ما جوها

ونشروا صورة المحروس

الكل يدوس

بكلام ويعيبها

والكل أهو عابها

بتمدي إيديكِ

تشحتي ع الواد

محتاجة جنابك

لفلوس مفضوحة

و إهي مجروحة

والكل بقي شمتان

بكلام الكل بتتهان

فأنا آسفة يا بيه

مش عايزة إعانة

أنا ناقصة إهانة

كفاياني الحمل

يا عقول و مريضة

ما تعرفش فريضة

غير إن يدوب

تحكوا وتتحاكوا

بعطايا الخالق

شايفاكوا الناس

عادي و إيه يعني

أهو قادر ربك

يبليه زيك

ويكون بقي عبرة

من غير أسناد

يا ست سعاد

إرفعي راسك

و روقي من همك

إختارك ربك

وعطاكِ البركة

في هيئة إنسان

وعطايا الرحمن جبارة

لو حتي شافوها الخلق معارة