إسم المتسابق
سامح السيد محمد مصطفى
أسم الشهره /سامح السيد شعير
إسم صفحة الفيس بوك
الشاعر سامح شعير
مسابقة مجلة همسه للفنون والآداب دورة الفنان عبد الرحمن أبو زهره
جمهورية مصر العربية
محافظة الشرقيه /مركز فاقوس/الزاويه الحمراء
ت٠١٢٧٢٣٣٤٨٥٠
قصيدة (راجع )
من وأنا كنت صغير
من وقت ما فتحت عينيا ع الدنيا
الواسعة
مالمحتش غيرك
بذرايه اتزرعت
كان حبك جوايا بيسرى
كنا بنلعب/نجرى ونتنطط فوق عتبة دارك
كان نفَسِي بينهج لأجل ما ألاحق فرسايه جموحه
يمكن ألامس بصوابعى كفوفك
رغم سنينك كان سنك بيلاحق سني تقريباً
كنا بنكبر والحلم بيكبر ويانا
فاكر على شط البحر
تحت الصفصافة
نسماية عصرية تهفهف
تسرح فيها الدنيا على رمش عيونك
وألقاني أتوه لما أشوفك
تغزلى بايديكِ ضفايرك ….وأموت
أيوه بحبك ولحد الموت
كان لما بتعتر رجلىَّ في مرة
كنت ألاقيكى في ضهرى
تسندى بايديكِ تسمى
كان لما بتئسِى عليه شويه
كنت بحب قساوتك أيوه
أبعد ………….
أرجع تانى أمللي عينيه بضيك
كان كل اللي يعاشرك أو يسمع عنك أو شافك
كان كل اللي بيقرا في كفك
أو حتى في فنجانك
كان يعرف إنك بكرية/كان صوتك/ضحكك
وبكاكى أول طعم للون الدنيا
كل اللي بيقرى على حيطانك/رسوماتك
أو حتى رموزك
كان يعرف
رغم جدورك اللي بطولها تمد لآخر متر في بطن الأرض
لساكى بتحبى
(وبرغم المر اللي في أسمك
لو شلت الحرف الوسطانى
أنا قابلك)
آسف
أنا عايزك بإرادتي مش غصبٍ عنك
أنا عايزك حلم بعيد
أبعد من حلمي اللي أنا مش قادر أطوله
لو قالوا عشانك بيع دينك .. ضميرك
وتنول اللي في بالك
تلاقيها بتفتحلك دراعاتها وتندهلك
يوسف يا ابني زمانك
أنا أسف
ح أتنازل عنك
أيوه أنا ح أتنازل عنك وأبعد
مش أول ولا آخر
مش ح أنساكي
أنا راجع أول ما هـ تغسلي في البحر تيابك
تتطهري من كل ذنوبك
راجع
راجع لأجل ما يبقى الحلم حقيقة .
سامح شعير /مصر
