الإسم / مصطفى رياض مصطفى
الدولة / مصر
المحافظه/ الدقهلية
الفئة / الشعر العامي
اسم الشهرة / شاعر جامعة المنصورة
واتساب /01017274249
قصيدة بعنوان ” راجع نفسك “
ياللي مليت قلبك بالحقد
وقاعد بس تشوف وتعد
وكُل يوم غيظك يتشد
على رب أعطى نعمه لعبد
وحرقت قلبك من غير نار
وبقت عداوة من غير تار
وخضت ف لجه آخرها دمار
ومليت حياتك غل ونار
وعاوز تبقى فوق الكُل
وتعد مالك بالقنطار
وتبقى فوق الناس وأحسنهم
ويذيعوا صيتك ف الأخبار
ويبقالك خلان وحبايب
ويكونوا أصحابك م الأخيار
لو أنت عاوز ده ومُناك
ويكتبوا فيك الناس أشعار
إخلع توب الحقد وإرميه
وإغسل كمان قلبك من بلاويه
لا نميمه ولا سب وغيبه
وإوعى في يوم فاسد تماشيه
نضف روحك طهر نفسك
دا كُل بحر وليه مراسيه
وإرضى بقسمة ربك تغنى
دا اللي بيرضى ينول أمنايه
حاسب نفسك وإكتب ذنبك
وإكتم سرك حادي عليه
جاهد عمرك وإسعى ف خير
أجرك لازم يوم تجنيه
فيه مكروب ممكن تواسيه
والمحتاج برضه تراعيه
ولو ضعيف تقدر تحميه
دا بر كتير وإعرف معانيه
صحح نيه وجدد توبه
وإدعى المولى عشان ترضيه
وإوعى شيطانك يلعب بيك
ويوديك على وادي التيه
ودنيتك ما هو برضه عدوه
وبيجري عليها كُل سفيه
حبها ضره وحب الله
وإللي يحبها بتوريه
في يوم عروسه وبتماشيه
ويوم جمر بتمشيه
وباقي عمره إزاي تديه
وإزاي دنيئه وهتهنيه
وكُل ليله برضه تبكيه
ولا دمعه تمسح من عينيه
ياللي مالي الحقد قلبك
صحح نيه وجدد توبه
والمولى قادر ف ثواني يغنيك
