قصيدة (راضى) بقلم / محمد حسن عبد العليم

ونتقابل ونتواعد على الإخلاص

تعدي سنين ونتباعد بلا إخلاص

فحب الماضي اهو عدى سريع وخلاص

وتبقى الذكرى محبوسه في قلب حزين

عشان القلب عاش سالم مع الخاينين

ياقلب الحب إتعلم تعيش جاحد

بلاش تهوى قلوب عايشة بتتباعد

ورد القلب قال لأه ما انا جاحد

هعيش صافي ده رب الكون خالقه نضيف

ومهما الناس جرحوني فربي لطيف

ياصاحبي حب وإتعلم من الماضي

وعيش الدنيا مع ربك تكون راضي