هبت رياح الصدفة بالآتي
حد في ليالي التوهة
سابني وحيد
تبتت فيه ولكنه شخص عنيد
قرر يدوس علي فرحي ويعدي
هبت رياح الصدفة وقابلته
فسر غيابه بكلمتين بايخين
فاكر مشاعري لسة بتهابه
أول كلامنا كنت في العشرين
لخبط مشاعري بكدبه وعتابه
إن جيت أعاتب يوم علي الإهمال
ردوده جاهزة تكفي ميت موال
لو مرة اشكي فرط شوقي إليه
الرد بارد يعني هعمل ايه ؟
إن يوم زعلت وشلت يعني الهم
بيزيد في وجعي ببعده ولايهتم
لوجيت صالحته ببقي مكسورة
وإن قولت امشي يزيد حنيني إليه
ببني في حيطة أساسها متجرح
واسأل زماني كل ده كان ليه
هبت رياح الصدفة ندهتني
نفس الخطاوي لكن ناقصها
الروح
ولمين هتشكي زهدك البين
للناس ومواقفهم ولضحك الساخر
قصر الكلام عديت بدون مايحس
سبت السلام بصمة علي الشارع
خدت الكلام ومشاعري ومشينا
وبقينا اجمل واحنا وحدينا
وكأن ليلنا خد علي الغربة
وكأن ويلنا خد علينا العهد
سبت العيون دي بكدبها وبالخوف
ودموعي نازلة زي سيل علي مهل
كل الكلام اعذاره حفظاها
مبقتش اقدر احس اني تمام
هبت رياح الصدفة بالآتي
وبصوت واخدني كأني حد يتيم
فارق بقلبك قبل ما تفارق
الصدفة سيفها آسي مابيرحمش
حلو الكلام آخره مرار بيخض
ومفيش حبيب كنا له يوم مغني
هتسيبني جايز هقتنع بالوقت
إن الوشوش خداعة مش مأوي
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
