ـــــــــــ مطــــاوع الغــــفير ــــــــــ
البت بهانه سـرقــــت
حــــله وكـوزين دره
ولباس دمـور بكلـفه
ولحوقي ومحـــشره
دورت علــــــيها يابا
في الـدار المنـــــدره
شافوها الناس بترمح
في الشـــارع الكـبير
شايله شوية حاجات
ومـــله م الســــــرير
سألت الشيخ مهاود
ومطــــاوع الغفــــير
قالولي مالكش دعوه
لتبـقى مســــــــخره …
عـدى يومــين تلاته
قابلت الواد مطاوع
كان سايق ف الغتاته
وطايح في الشوارع
قالي الشـيخ مهـاود
ماتهاود وابقى طايع
واعمــــــل مـابـدالك
وهايعــــمل مابدالـه
مـالك باللـي حطـوا
ومـالك باللي شــاله
خليك ياواد ف حالك
وسيب الواد ف حاله
لايلفك في الشيكاره
ويبيعك ف البضـايع …
وانا أصلي إبن هرمه
فلاح ومابيعش ناسي
غشيم ومخي صرمه
وباكـسر ف الكراسي
تنحـت وقـولت أبدا
انا عقلي لسه راسي
فكتبت بإيدي شكوى
وع المـــركز فكــيك
وقالي حسين افـندي
الـــواد ده هايرازيك
روح وعيش ف حالك
وســـد الـباب علـيك
فرجعت آكل ضوافري
واهرش في أم راسي …
الدنــــيا مالــــها يابا
بقينا وحوش كواسر
قانــونـها زي غـابــه
ولاعادش حـد ناصر
بنوطي في الغــلابـه
ونعلي شيوخ منـاصر
والأخ اللــي يعيــنك
بيهيلك مـن عاليـــك
والجار ف أصل دينك
قاعــــد بيـــذم فـيك
ولامـــد الإيـد لإيـدك
يمسـح دمـعة عينيك
بقيـنا قطـــيع ديـابـه
بنقـطع فـي الأواصـر …
ــــــــــــــــــــــــــــــــــــــــــــــــــــــــ
