قصيدة : زرع البشر .مسابقة الشعر العامي بقلم / أسامة فؤاد

زرع البشر كلمات اسامة فؤاد حنا سوهاج مصر ٠١٠٦٩٠٩٥٨٦٦ https://www.facebook.com/osama.fouad.73345
عمر الدنيا ما كانت قاسية…..
احنا بس اللى بنقسيها …..
نزرع فيها بايدينا القسوة …
والثمرة احنا اللى بنجنيها….
ونزرع شوك بدل الورد …..
ونبدر كره ف كل الأرض…..
ونحصد شر وطعم المر….
ونغنى للدنيا ومآسيها….
احنا اللي بنظلم ونجور ….
واللى بنلف وبندور….
ومركب الحياه شراعها تاه…..
ولا نعرف فين مراسيها ….
ندوس ع الفقير والغلبان …..
كأن مالوش بيننا مكان…
وميزان العدل مال واختل…..
والمصايب احنا السبب فيها….
ولما نتوه وسط الزحمة…
وننسي الخير والرحمة …..
ونتعب ونعانى ونرجع من تانى …. .
نلعن فى الدنيا وبلاويها ……
والصديق بيخون صاحبه …
والخسيس سايبينه على راحته ..
والخيانة اصبحت عاده …….
وشجرة الغدر احنااللى بنرويها….
وملينا الدنيا بالأحزان ….
والدمع كأنه طوفان….
والجروح مطرح ما نروح……
ونطلب من الزمن يداويها…