مشاركة الشعر فئة العامية المصرية
جمهورية مصر العربية
مي ابراهيم القاضي
رقم الواتس ٠١٠٠٧٩٥٥٩٤٤
قصيدة بعنوان زمان
****
و هاتلي معاك …….راحة البال
وضحكة علي الأد لو بنص ريال
وفرحة عَيل ليلة العيد
بعيدية ولبس جديد
و هاتلي معاك كام فستان
وضفيرة زي بتاع أمي زمان
وصورني ….ايوه صورني
بلاش…..أبيض وأسود
خليها بقي…… ألوان
وفرح قلبي زي ما كان
و هاتلي لمة وحشاني
و عشوة حلوة علي صواني
تلم حوالها الاهل من تاني
وخد مني حمل تقييييييل
صدقني ..يهد جبال
ورجعلي عشان خاطري
بقي ……زماني
وفرحة ونومة وراحة
وحشاااااني
وخد من عندي ناس
كتير اوي….. تعباني
سايبة حياتها وسكناني
و علي الفرحة حتي الدمعة
حسداني
اقول ..ايه انا تاني
خلاصة القول.. تعبانة
و متسألش ليه بقي أمانة
عاوزة أعيش تاني زماني
خد مني حاجات ياااااامة تعباني
ووجعاااني واوعي في يوم
ترجعها بقي تاني
هاتلي بس راحة البال
وادعيلي بصلاح الحال
وغنيلي كام موال
….مش لاقية كلام ينقال
خلاص
سيبني بقي وانساني
بس وحياتي رجعلي
زماني
بقلمي (مي ابراهيم القاضي)
