اسم القصيده زي انهارده
الاسم محمود محمد محمود حسن
الشهره محمود حسن
السن 24
رقم الفون 01118471531
زي النهارده من سنين
كنا ف سهره تجمع
ما بينا و بين كوبايتين
شاي وكان النجم مسجل
قمره غياب لوجودك جمبي
يغازلنا المطر ويداعبنا البرد
تبصي ف عيوني
واقطف من خدك الورد
واقولك لحُسن حظي في الحياة
تكوني ضلي وموضوع ماله آخر من سرد
واهديلك م الأشعار كام بيت
ونسيب البرد ياخد من حزننا
ونلم شِبَاك الصيد روحنا المتشتته
أنا أول مرة أقول حبيت
والقلب لم جراحه المتفتته
لحُسن حظي في الحياة تكوني الأمل
وخيط
ينجي غريق من بحر أوجاعه
تلمس الخطوه شطك
يلقي بر يساعه
يا أم الغمازه عدي
حني
و اوهبي قلبي براحُه
ده مفيش غيرك يشفي جراحه ولا يونس لياليه
ف ليه تكوني فضلاله بدون ما عينيكي تيجي في عينيه
ذكرانا في كل مكان وطريق
وكل اللي كان بينَا هين بقي صعب
ومضروب في اتنين ف اهربلك في الليل
واقاسمك الاشياء واضم خوفك
وانفي بوجودي وجود أي فراق
ونلون بالأحلام أيامنا كيف هتكون
وليه يا حبيبتي بتغيبي في كل شروق
اهو جانا الشتا
بس الشتا كان ليه رأي تانى
بعاني والله يا حبيبتي بدونك
والليل في عذابه أهو شد
لا عُدت قادر اتحمل ولا بستانك
في عيوني بيطرح ورد
ألوان الدنيا بتغمَّق تدريجي
في بالي حاجات بتروح وتجي
وانتى ثابته جوايا كان نفسي
الروح تفارق وانتي جمبي ومعايا
أهو ده النصيب
يصيب القلب قيود من غير سجان
قصاده الحياة كاملة لكن باهتة الألوان
والقلب محرم علي عيوني
النوم من يوم ما ضلك غاب
وانا ماشي بتطوح وبلوح
في وش الغياب هنعود
ونكمل اللي بيننا ابتدي
المره دي القلب صابه العمي
كل الأطبا اجمعوا آخر أمل لرجوع الضي
متعلق بإني اشوفنا سوا
كام مره بشوفك دون وجود
و بسلم لخيالي لجام ياخدني لأبعد حدود
مبقاش فاضللي منك غيرك
العالم بيمشي وأنا لسه في المكان موجود
بصَبّر ما باقي ع اللي راحوا
زي النهارده من سنين
كنت بحيكلها ع اللي راحوا
وبحلِفها إنها ماتغيب
