ط
مسابقة الشعر العامى

قصيدة : ساعات الكلام . مسابقة الشعر العامي بقلم / أسامة فؤاد حنا

45?mibextid=ZbWKwL الشعر العامى
أسامة فؤاد حنا سوهاج مصر٠١٠٦٩٠٩٥٨٦٦
قصيدة بعنوان ساعات الكلام
ساعات الكلام يتخنق
وحياتنا تصبح وهم
معدش ليها معنى
وندور ع الطريق
وكأننا فى العتمة ضعنا
ونصرخ م الألم
ومن شدة الطعنة
ونمشي فى الحياة
وكأننا ف رحلة سفر
ومن الموت مفيش نجاة
وراح يدوقه كل البشر
ومهما المعانى تتوه
مسير الحب يجمعنا
والدنيا حكاية وحدوتة
ناس تمسى مع الأموات
وناس لسه مولودة
وناس مش لاقية اللقمة
وناس بالسعد موعودة
ونتوه ف الزحمة
ومين يا ناس يرجعنا
ودى أرزاق ومتقسمة
وشوش راضية ومتبسمة
وناس مش عاجبها الحال
وناس تسأل سؤال
وتقول ليه واشمعنى
يا دنيا لحد فين وخدانا
هو انت علينا ولا معانا
خلاص الواحد منك مل
شفنا فيك الويل والذل
ومين راح يمسح دموعنا
الكلام واقف ف الحلق
والدمع ع الخد سايل
ونعمل ايه يا خلق
والبخت دايما مايل
والايام زى بعضها
ماشية بحلوها ومرها
وكل الناس سابونا
وكتير منهم خانوننا
وشفنا فيك يا دنيا العجب
حتى الحبايب باعونا

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون

مقالات ذات صلة

زر الذهاب إلى الأعلى