الإسم : زياد بهاء عدلي صابر
الشهرة : زياد بهاء
الدولة : مصر
فرع المشاركة : شعر العامية
إسم القصيدة : ساعة فجريه
تليفون : 01020125148
واتساب : 01020125148
لينك صفحة الفيس بوك :
https://www.facebook.com/profile.php?id=100011082814048&mibextid=2JQ9oc
_____________________
بيت قديم وحيطانُه مِتشققه
والدمع واقف يبتسم ع المشنقه
خايّف لـينزِف مِن جرح جوّه العين
والراجل صاحِب القِصة قلبُه حزين
لكِن شقيان
نفس الموضوع بينه وبين زوجتُه
نفس الكركبة واخداه هوجتُه
والدنيا الغاليّة مش راحه
مصروف الشهر مبيكفيش
كُلّه علي الله
وأهو فيه في اليوم أحسن لـ مافيش
العالم مؤذي وكـ العاده
وسكوتنا وأرَق ودموع العين
ونهار مش طايّل بني ادمين
ويقولو هنوصل تاني لفين
ويقولوا حرام فـ يقولوا آمين!
يمكن مرار القهوه الصبح يشفع
اختلاف طبقات وناس والجِتت في الموت وحيدة
والعالم معدوم ملاحظة
والنهاية مش سعيدة
ياما ناس فقيرة اوي
لكِن بانيها الرضـا
مش كل البشر بتحس
ولا كُل نور لي أعمدة
والفقر عمره ما كان خطيئه
في فـ قلبي رقعه كل يوم بخيطها
في دمعة مِني كل يوم بعيّطها
ياما عودنا خساير .. من حروب مدخلنهاش
ياما قولنا هنكسـب دُنيتنا ومكسبناش
_
انا عمر الدمع يوم ما فارقني
وسناريو البشر مالهوش غير معني ..
كل يوم الفرقه تجمّعنا
بحاسب علي نَفسي بالايام .. بحاسب نفسي علي خوفي
غريبه أحلامنا .. مفيش تفسير من الحاصل
مفيش فـ الفقر شيء واصِل
يوصلني لدي أحلام
_
ولولا الناس وهزارهم وضحكاتهم وأيامهم
وتفاصيلهُم
ولولا الناس ما كان للسعي ليه معني
ولولا الفقر مكانش الـسعي جمّعنا
بين مشاغل وشغل وحياه
وبين بيوت وطلباتهم
وكام كان قرش كانو نجاه
لبيت بيقاسي م المعاناه
__
الوقت يمر ويوم اهو فات
والناس شغاله أوقات وأوقات
والفقر محدش بيعيبُـه
ولا حد بيلعن في الأزمات
بنشوف الـفقرا عايشين راضيين
والغِنيٰ لو زاد في البني ءادمين
بقا شكلُه آنين وعياط وظروف وبلاوي بتتبدل لحروب
الغني والفقر دا شيء عادي
لكِن سواسيّة دا شيء مكتوب
العالم ساكت لـ ثواني
بنعيد المشهد من تاني
فجأه الأنوار في شارعنا تنوّر
الراجل لسه بيسعي زياده وبيدور
وبيفكر في فلوس الاولاد
الناس للـقرش بقا عُبّاد
ومحدش شايل غير همُّه
والعالم ساكِت بـ هدوء
يرجع المشهد من تاني
لاكن بعد ما افوق
العالم يتغير .. لا لسه
القصه هتخلص دلوقتي
والوقت معاكم مش وقتي
مشاهد غلطانه فـ توضيح
القصه غريبه في قفلتها
وولاد الناس لسه بـ قسوتها
جراح قديمه ولمتها
لاكن اتفتحت خدش بسيط
انا مش عبيط .. لكِن للحق العيب فيّه
الساعه في وقتي زي ماهي
وما بين الغني والفقر حدود
العين الي بتصحي الفجريه
متخافش طول ما ربنا موجود
لولا اليقين
إن ربّك الكريم رزّاق
قادِر يزوّد فرحة المشتاق
وإن كل نهار ولي من الفرج مفتاح
وان الفشل بيعدّي بعدُه فلاح
وان الزعل بيضاعفُه يوم افراح
وإن المُتاح المرّه دي مش عادة
مش كُل شخص مـُتاح
