قصيدة :سجات المقانيص .. الشاعر/ سعد بن زمانان

)

يا أبو فهد ذكرتني فايتٍ فات
شوف الفياض وعشبها اللي كساها

خمايلٍ وأشجارها تقل غابات
الرمث والعرفج وسمر وقضاها

وشوف الحباري يطرب النفس بالذات
وأرانبٍ بأرضٍ قفر مع إظباها

ونقنص إبحرٍ لاطلع طلعه إثبات
عوق الخريم وراهيٍ لابغاها

للغانمي وسدير ولاّ عكاشات
ولاّ إلشعبان الأبيض وراها

ياما خذينا بالمقانيص سجات
الله على ذيك السنين وحلاها