خاص بالمسابقة
الإسم/أماني السيد احمد العطار
إسم الشهرة/أماني العطار
جمهورية مصر العربية
صفحة الفيس /أماني العطار
“” “” “”'” “” “” “” “” “” “” “” “” “” “” “” “”
((سكة الراحِلين)) قصيدة بعنوان
كان فيا ضحكة مين خضها في الوش؟؟
مين سابها دمع عالخد يتكرمش؟
كان ليافرحة قابلتها ماعرفش
القلب يومها طعمهاوإتألم..
..
كان فيا أنا …. وانا مين سرقني مني؟
سلفتني للغير ببرائة النية
سمى عليا حزني وشربني بالقنطار…
وارض الألم بار…… . . شربتني هذلان
ماكنش في الإمكان أهرب ولااجيش
انا كنت ليا الجار….. جريِّي ما لحقنيش
والنظر شيش بيش……. ماشي يتنحنح
اقع يقول.. أحسن….. ياعضم ياملخلخ
والهوا المنكوش ماقدرش بينا يحوش.. م البرد قام باش
والعند ما إستناش مابينا وقت طويل
……….مابينا هدة حيل للحبال القايدة
وبجناحاته الباردة… كَحَل عيون العتمة، وزود لها
الجرعة
شمس العشم طالعه… متحنيه بليلها
وكاس الوجع داير…. غرق لمنديلها
يافرح ياطيار……. ياابوقلب منحوس
الدنيا قاطمه صبري لنساير
وانا اول الشاربين واول الشاريين.. واول الرايحين منها وإليها
طرفت عيون السما بيا
…….. طرفت عينها غصب بإيديها
والأرض رافضه تكمل المشوار
نزل المطر طفى عيون الدمع
وسابني جمع لطرحي م الأعذار
يا أخرة المشوار….. هلكتني دين
………….. لجنة ونار وسلسال من المجانين
مخلوق يا انا م الطين…… ماخطرت انا في بالها
جمعتني المعجزة………… بسكة الراحلِّين
