https://www.facebook.com/nona.gamal.3557 الاسم نهال جمال اسم الشهرة شاعرة التحدي الدولة مصر اسم القصيدة سلالم العشرين نوع الموهبة شعر عامي انا بضحك اهو ومفيش ف القلب مكان للحزن انا باخد كل الكون بالحضن وبضمه بضحكة بتتكلم مع خدي عن الحب و سيرته انا بنت جميلة وشكلي اسمر مبحبش حزني و تكشيرته بالله يا الضحكة لتبقيلي وتكوني خطاوي في حضن الارض فَ مكان الخطوه ينبت ورود مليت م السرد و بقيت يوميا بعمل جرد للناس في حياتي و اضيف واحذف و بقول الحق بدون ماحلف عارفاني بقيت أكثر شده او مش بهتم و كرامتي بتمشي في مجري الدم و حياتي بتتمشي بأمري فيه ناس بتدوق من جناتي و فيه ناس بتدوق ناري و جمري بتحداني و بقاوم يوميا نفسي و بصب الضحكه في كأس يأسي بالطبع أنا طفله و دي فطره و الحزن في قلبي يا دوب فتره تفكيري مُغاير للواقع انا حتت جمر في كون ساقه سنّي (واحد والعشرين) لو كان السن بعمر العقل انا بالتخمين عمري الستين انا عمري ك رسمه و انا دوري استمتع جداا بالتلوين بسأل انا مين في الواقع هذا سؤال فادح في جميع الأوجه والاحوال انا اسمي نهال سمّوني نهال و انا مخترتش مخترتش اكون شكلي ولوني مخترتش احب و ينسوني مخترتش اكون مولوده في مصر مخترتش اعاصر هذا العصر مخترتش دمعه بدمّعها او شكل الدنيا و اوجعها انا بشبه شكل البالونه مخترتش يوم اني انفهخا مخترتش مره افرقعها انا بمشي و بمشي و بتلفت ف بلاقي و رايا حنين نصفي و شعاع من حب أصبح مطفي و بلاقي امامي طريق غامض مش فارقة اساسا مين قرب او مين باعد للكل بديل ومفيش ولا حد ملوهش مثيل انا بمشي و برسم بلونه علي وش الناس و برتب فيهم بلاحساس انا طفلة صحيح لكن لسه علي اول سلم م واحد والعشرين ف البرج الطالع من عمري معرفش لفين كل اللي عليا اني بخطّي بالله يالفرحه لتتمطي وتعيشي في عمري بترتيبه و تساعي القلب و تقليبه محلمتش حد الا و سابني محلمنيش حد الا و اسيبه غلطات فاتت احزان دخلت قلبي ماتت ونسيت الحزن ببعت روحي جوابات لبريد عمري الاتي علي هيأه شفه بتضحكلي و تغنّي هناك يالغد يا احزن شئ فايت انا بستناك ف تحدي اتغلب علي حزنك العمر خساير و مكاسب و رواسب طافيه علي رواسب فيه ناس همها بعدك عنهم و فيه ناس علي قلبك بتحاسب وانا روحي اتاخدت من دفتر احزان اليوم علي اني غياب و مفيش في القلب حروب و عتاب انا بضحك اهو شوفتوني و دمعي بيتبسم و الحزن دا تركه بتتقسم علي فرح كتير من غير ما يسبب له تأثير للضحكه جناح ركبته في قلبي و دلوقتي انا بضحك و بطير
