ط
مسابقة الشعر العامى

قصيدة : سنين وسنين . مسابقة الشعر العامى بقلم / أشرف أبو زيد محمود

الاسم / أشرف أبوزيد محمود
القاهرة /. التبين ت / 01005691190
الاسم على الفيس /Ashraf Abozeed
البريد الالكتروني / [email protected]
واتس / بنفس رقم التليفون ونفس الاسم أشرف أبوزيد

القصيدة / شعر عامي
سنين وسنين

أيام و بتعدي وسنين تجيب سنيــن
وكل اللي باقي عندي
ذكرىو شويت حنيـن
افتكر أيام الطفولة والبراءه
ومشي في الشارع برجليه حافين
ولما كبرت شويه بقيت أفرح بجزمه
و قميص أو بنطلون جابردين
وهبه عرفت الشقاوه والسجاير
والبنت أم ضفيره نزله على الكتفين
الشقاوه زادت لا دي اتمادت
بس أقولكم كنت ولا الشياطين
وسنه تجيب سنه وخلصت الدراسه
ودخلت الجيش وبقيت من المجندين
شفت هناك أيام تخلي الشابه عجوزه
والجاهل يتقلب ويتكلم لغتين
وخلصت الجيش وعايز أكل عيش
واشوفلي شغله أجيب منها قرشين
ومن مكان لمكان ومن فلان لفلان
أشتغلت 100 شغله وياريت عاجبين
فلان اللي من سنك وابن خالتك وابن عمك
نجحوا وفلاحوا وأنت من العاطلين
وكونت شويت فلوس و نفسي أقعد في كوشه
واللبس بدله شيك وجزمه برباطين
وتلف السنين وبقيت أبو الولاد
وطبعا الحمل زاد وكله مكتوب على الجبين
وسنه تجيب في سنه وأنا مش أنا
هو أنا اتغيرت ولا ده طعم السنين
فين أصحاب زمان فين بنت الجيران
وحلاوة رمضان والتليفزيون أبو قناتين
كل شيء اتغير والدنيا حالها يحير
حتى الأطفال بقى ليهم لسانين
ناس تغدر بيك وناس تغني عليك
وناس تدي دروس لكتيبة شياطين
واللي كان حبيب فجاءه بقى غريب
وكل الناس مركبه الواشين
وأيام وبتعدي وسنين تجيب سنين
وأكيد هيجي يوم ونبقى مش عايشين
واللي كانوا هنا امبارح هما انهرضه فين
بس عمرنا ما نبقى ليهم ناسين
وزي ما هما رحلوا
إحنا كلنا هنكون من الراحلين
تفوت سنه تيجي سنه
مبقتش فارقه كلهم يومين
وكل سنه وأنتم منورين
وكل سنه وأنتم طيبيـــــــــــــن

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى