أغنية (سيدنا العشمنجي) ….
سيدنا العشمنجي
بيتعشم دايما وبدون أسباب
قلبي دا مزاجنجي
ومزاجه يردوا ف وشه الباب
طبعه الطيبنجي
مطمع فيه أصحاب وأغراب
لكن قلبته يا منجي
لا فيها محايلة ولا استقطاب
سيدنا العشمنجي مغلبني
وبطيبة قلبه بيفرسني
هيبطل إمتى يغفلني
ويدور برا على سعادة
قلبي بيتعشم بزيادة
تنصحه بالذوق غاوي لماضة
بيحب لشوشته وكالعادة
قهوته دايما تقلب سادة
سيدنا العشمنجي مغلبني
وبطيبة قلبه بيفرسني
هيبطل إمتى يغفلني
ويعوم بمشاعري ف شط غريق
قلبي اكمنه ياعيني بريء
قبل م يجي خلقه يضيق
يديك بدل الفرصة طريق
تهرب منه بعذر يليق
