كتبه / احمد الصعيدي
قالو ان عشقت اعشق قمر
قلت انا عشقي سيدنا النبي
وعشقي ليه زادي ومذهبي
ماليش غيره حبيب سيدنا النبي
دا عشقه دوا للصبية والصبى
محلاها الصلاة على النبي
ثروتي وكنزي حب النبي
فى حبك يا طه هقول أشعاري
وبحبك يا نبي اشد أوتاري
وبحبك يا سيدى ابدأ نهاري
دا حبك فى القلب مدارى
بحبك يا طه وروحي فيك
وعشقك دا سندى
وبروحي أفديك
بحبك يا طه وحبى شديد
وزيارتي ليك عندي عيد
وبالصلاة عليك الخير يزيد
صلوا معاى على النبي
محمد يا حبى وترياقي
وليك دايما تزيد أشواقي
انا العطشان يا نبي
وأنت الساقي
يا رايحين للنبي
دلونى طريقه فين
نفسى ازور حبيبنا الزين
وأقول وامدح فى جد الحسين
واكحل عينوني وامرغ الخدين
أمانه يا رايح بلغ سلامى للحبيب
قله عليل وبزيارتك يطيب
وبيدعي ربنا انه يستجب
تكون الزيارة للنبي
حب وغرامي ومطلبي
