(سيدنا النبي) سيدنا النبي لما انت جيت النور دخل وفي كل بيت الكل بينادي لابوه ولا قلتها ولا يوم ناديت والام قابلت ربها وعليها بدموعك بكيت ولا كنت تلعب زيهم أو طفت مرة أو سعيت علشان يتيم ربك اواك ولربنا بروحك اويت رفعك لفوق فوق الملاك لما اصطفاك خلاك دنيت عمال بترعى في الغنم ومن الألم ولا يوم شكيت في الغار بتعبد ربنا لما أمر وانت اهتديت جبريل وجاي يبلغك من بعدها قمت ودعيت وجمعت اهلك كلهم علشان تقول انك نويت تدعي وتعبد ربنا و انك رسول وانك بديت وان القيامة قربت والجنة فيها احلى بيت والنار بتغلي باهلها والميه فيها تبقى زيت يشرب ويبلع منها ولا مرة هيقول ارتويت كان نفسه يطلع منها و يقول ياريت لو كنت بسمع للرسول ما كنت في النار انتهيت ******************** قالوا عليك السحر باين من عنيك شاعر وبترص الكلام والحرف بيشاور عليك وازاي تقول من غير علام مين جنب ودنك بيلاغيك مين علمك حسن الكلام ومنين بيتنزل عليك ازاي تقول انك نبي وان الملايكه بتناديك والشامي زي المغربي والكل واحد بين ايديك فاكر زمان كنت الصبي والكل كان بيحب فيك لو مش هتنسي انك نبي هنقلب الدنيا عليك وهتبقى بينا اجنبي ونعذب اللي يحن ليك ربك حماك من غدرهم وبرحمته كان بيراضيك والعنكبوت جاب الحمام خلاه ينام علشان عنيك يا رسول وعايش وسطنا والجنة مفتاحها بايديك قيمتك كبيرة عندنا بنصلي ونسلم عليك قيمتك كبيرة عندنا بنصلي ونسلم عليك
