خاص بمسابقة مهرجان همسة الدولي
فرع قصيدة العامية
الأسم: محمد سيد جرحي
الشهرة: الجارحي
رقم( الواتس) الهاتف 01127735673
مصر /محافظة قنا
رابط صفحه الفيس
قصيدة ( شاب عشريني)
قصيدة(عامل بسيط )
عامل بسيط ياولاد
مكتوب كده ف بطاقتي
والحمل والله زاد
من قعدتي في أوضتي
والقهوة اللي في حتتنا
بقعد فيها اكتر من بيتنا
حالتلي شاي ع شيشة
خليني انسي دي عيشة
والحساب في القهوة زاد
وأتمنعت من دخولها
الا لما ادفع الحساب
والشيشه تاني مش هنولها
وبتاع الخضار….
مش راضي يديني أجل
بيقول عليك فلوس لما تدفعها
والديون عليا زادت
والفرحة من عيني غابت
شفلي مصلحة معاك ياسطي
امشي بيها اليومين دول
الجو برد ونفسي بحاجة اتغطي
واسدد بقي الديون
شفلي يسطي اي حاجة
بدل منا كده مركون
والله يابني الدنيا واقفه
والمعايش في بلدنا قلت
الرزق اللي جايلي يدوبك
مكفيني سامحني يابني
العيشة صعبت
أخدت نفسي ع حته تانيا
قابلني واحد قالي مالك
قلتله مهموم من الدينا
قالي ليه كترت عيالك
ده انت لسه يابني صغير
دي الكلمة اللي ينسمعها منكم
ده انا كل يوم من الحزن بتغير
يارتنا عشنا ياحج ربع أيامكم
ده انا في العشرين
وبيحصل معايه ده كله
والله احنا جيل
شال الهم من صغره
ليه متهانين من الباقي
وبعملونا كالرعاع
مع أننا بنائدمين زيهم
عملنلهم صداع
أكمننا ممعناش زيهم
وأن حد فينا شد حيله
ولقي شغلانه ياكل منها عيش
حب يتجوز ياعيني
ابوها يقولك متلزمنيش
انا عايز بنتي تعيش نفس مستواها
ويكون مستواها مفيش
حتلها شقة ملك بعفش ونيش
وعايز مهر عالي
ودهب تقيل مش جرامين
كأنه لقي مصباح علاء الدين
بيكسر حلم سنين في يادوب ساعتين
ونت الحاجة الحلوة اللي جايبها
شقيان عليها ليك يومين
تيجي تشكي عن حالك
رد بارد انتُم صغيرين
والله عشت ميت سنة
وانا سني عشرين
وانا سني عشرين
