قصيدة .شايفاها عادة .مسابقة الشعر العامى بقلم / محمد عاطف عبد المنعم . مصر

الاسم : محمد عاطف عبدالمنعم
البلد : مصر
ت : 01004337353
شعر عامى : شايفها عاده

(شايفها عاده)
*********

إنسان ومخلوق فى كَبَدّ
يسعى ويشقى للأبدّ
سخر له ربه كل شىء
حمل الأمانه وله عَبَدّ

ف صوره حلوه بروَّزه
و خلق له عقل وميَّزه
اوقات يفضل حد عليه
الحكمه إنه يحفّزه

نِعَمّ كتير وشايفها عاده
طمعان بيحلم بالزيادة
عنيه بتبكى وتملى يشكى
هربانه ليه منى السعاده ..!!.؟؟

ملامحه حتةِّ سكَّره
ضايعه تملى مكشَّره
مش كل فرصه ف الحياه
بتيجى سهله مقشًّره

فيه لطف من ربك خفى
ده النار بأمره بتنّطفى
لو تدرى توهب عمرك ليه
طاعه وعباده ما تكّتفى

قرب لربك و إحمدُه
إغزى شيطانك و إبعدُه
وإبدأ ببكره يوم جديد
إوعاك بيأسك تفّسدُه
إوعاك بيأسك تفّسدُه