قصيدة : شط المالح . مسابقة الشعر العامى بقلم / سامي محمد إبراهيم فرغلي

بورسعيد.. جمهورية مصر العربية

مكتب بريد الأمين ص. ب( ٥ )

ونوجة وخوجة

وحوجة وناس حلوين

تحت الشمسية بنتسامر

والبلدية رخيا عيونها عن شط الفقرا

المتلون بااساور بنت بتتقصوع

لحليوة بيغطس في المية

وف لحظة يقب

والسرحة الطرحة

المليانة بارزاق الناس التعبانة

برغوتة ولوتة وسيجانة

وساعات بتكوم حنجلها مع سردينها

دي بشاير خير

وبيجي الطير

مع البئير

وزمان كان لينا مواسم ومناسبات

وصجات الكحك وسبوع ومغات

مو سم حنشان

موسم سمان

والحب الطازة بيسعدنا ويدفينا

ومكنتش حياتنا مزارع ولا حوجزات

ولا دقنا عصاير ادفينا

طازة بطازة

والفقرا يبوسوا جبين الشهر

وش وضهر

اما يعدي

ومكنش ساعتها نتعارك لغلو المهر

العيشة بسيطة وجمال مخليها قليطة

وراسنا لفوق برغم العتمة اللي تفرفر

فجر الأيام المتبعتر على

عين الفقرا المحرومة

وليل المساكين

جحر في الطين

هتلاقي الخير

طن طنين

على اورنة بيتنا

جدعان واقفين

ما هو دول أحفاد ستة وخمسين

ماهو دول احفاد ستة وخمسين

قربان المصري ٠١٢٢٦٠١٧٩٠١

جمهورية مصر العربية