قصيدة: صباحها .. مسابقة الشعر العامى بقلم / عبدالرحمن فرج

الاسم: عبدالرحمن السيد فرج السيد الهلالي
اسم الشهرة: عبدالرحمن فرج
الدولة: مصر
الهاتف: 01017989982
نوع العمل: شعر عامي
رابط الفيسبوك: https://www.facebook.com/profile.php?id=100011781793511
اسم القصيدة: صباحها

صباح الخير دي قالتها
حصون القلب دَكتها
وصابني سهم رقتها
قوام صحىٰ الشعور فيا

صباحها برسم بسمتها
ونبرة صوتها بصمتها
مشاعر حية حسيتها
ملاك دي ولا إنسية

صباحها بفُل متعطر
يروَّق دمي لو عَكَّر
وبيه الصبح انا بفطر
مع الشاي يبقىٰ أغنية

صباحها موسيقىٰ م الرقة
تِرقَّص نَبضي ع الدَّقة
وقلبي يدوب وليه لأا
ومَبْقاش مِلك لإيديا

صباحها سحري مفعوله
صباحها كل ما تقوله
يِوَقَّع همي من طوله
وتبقىٰ الدنيا وردية

صباحها بَعده غير سالف
يطمن فيا لو خايف
وبيخليني انا شايف
مشاكلي العكس في عنيا

صباحها دوايا موصوفلي
وأهل الطب دول قالوا
ده لو معمول عمل سفلي
صباحها وبس يشتاله.