قصيدة .صباح الخير . مسابقة الشعر العامى بقلم/ محمد رجب . مصر

محمد رجب
مصر.. سوهاج
شعر عاميه
❤ صباح الخير ❤
صباح الخير على النسمه
صباحك وانتى مبتسمه
ونهارنا من عنيكى يطل
….
صباح الخير على الياسمين
صباحك وانتى عشقانى
وانا سكران مواويلك
وشارب من شفايفك خمر
….
صباح الخير سرب حمام
هديره زقزق فوق عيدان البان
صباحك هو صباح الخير
ولولا صباحك ما رفرف علينا الحب
….
صباح الخير على الاحباب
صباح الملهمين فرحه
صباحك زى طرقه باب
زفاكى لى بالطرحه
……
صباح الخير على العاشقين
صباحك ياست الكل
زارعلك بقلبى بحور بساتين
من النرجس مخلوط عليها الفل
…..
صباحك وانتى شايفانى
بحس الدنيا واخدانى
والف الكون
واقولها لعنيكى من تانى
صباحك هو صباح الخير
صباحك ابيض
صباحك نور
محمد رجب