ياحتة من صداع نصفى
وضربة فى الصميم بتهد
يامعقل كل افكارى
وأسرارك فى حضنى تشد
بلاش تسبقنى عالجنة
وتتمنى اكون لك حور
انا والله باقيالك
ولو سبحة سنينى تعد.
مفيش وترين فى ضلمة
ليل
ولا فيه زى صمت الحزن
معاك بتدوب بواقى الويل
وتشرب من سعادتى المزن
ياسيل جارف من التواشيح
فى ليلة ذكر رامية الغيم
ياحد من الصباح. يسقى خيوط
الدنيا شربة شمس.
انا وكلك وكلى اا انت وبردو العكس
هتسمع فالادان روحى
ساعات نوحى بتيجى لعندى تتيمم
تلف الدنيا و تحارب وتيجى
تقول هنا أأمن
واصلى فالعيون السود و احلم بالعيون الخضر ورمشك البعيد
جدا ساعات يتجن ويأمن
وغيرتك زى لون عينى… بطعم
الحب تتلون
تقول اهون..؟ اقولك الغياب بيزيد
وبينى وبين بلاد الغربة كيلو بعيد
فتضحك سنتك قاصدة
تشل فى مشيتى… ناقصة
دة انا بمشى فى حياتى… كفاح
بلم من الشجر خوفى وبزرع
كفك التفاح
تعيش مرتاح يادوب تقطف
وانا عمرى العويل يخطف
فى نص الراحة بون تخفيض
وبستحلف ل صوت الناى
وشاربة من الكيعان تهديد….
هينقص عمرك الحاضر…
برغم النطق بالحاضر….
وهتخسى الهموم بالنص….
تعالى يمتى هتحس…. انا بانية لعينيك أدوار
حقيقى بحسبك انهار
طلعت جفاف فى وقت الرعد
وفكرة انى اعيش وحدى
انا وخيالى والفرصة الوحيدة لبعد
بقت هى اكتمال الروح
تحياتى
انا و جنابى حبينا
انا ونفسى هنبقى لبعض….!!!
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
