لاسم/ منى طاهر عبدالعزيز
الفئه/ الشعر العامى
الدوله/ مصر
قصيدة: صندوق مقفول
الدنيا بقت صندوق مقفول…عتمه حواليك بدور
قفل الصندوق مفتاحه ضاع….والصوت للناس مش مسموع
لتتأقلم علي الحبسه….لتفكر في حل يفتح القفل
بس الحل صعوبته في سهولته
انك تلاقي قلب بيك يحس
يعرف طريقك منغير محد يقولو
دقات قلبك تكون ليه رنه
ترن اول متحتاجه
يجى يساعدك ويقولك بحبك
فالصندوق يفتح بابه
الامان ليك نور ينور حياتك
وبحبك هي المفتاح
محتاج حد ميبعدش والقلوب ميكسرش
الصندوق هو الخوف
والامان هيبعده
والحب هيضعفه
بس صعب تلاقي حبيب الكل عنك بعيد
القلوب بقت كدابه
وحبهم مفتاح مكسور
مش هيفتح قفل الصندوق
الحبيب في زمنا دا
زى ابره وسط حبة قش
صعب تلاقيه
قاعد جوه الصندوق بتعيط تاهت كل الحلول
بس ربنا موجود ويقدر يسمعك حتي جوه الصندوق هيخرجك من حزنك ويبعتلك اللي يستاهلك
هيفضل جمبك ويحبك
بالاستغفار والصلاه علي الحبيب تتحل الأمور وتبعد الهموم
