قصيدة: صوت المراكب .. مسابقة الشعر العامي بقلم / أحمد رمضان محمد جاد الرب

الإسم/ أحمد رمضان محمد جاد الرب
إسم الشهرة/ أحمد جاد
الهاتف/ 01555731104
رقم واتساب/ 01275830769
الدولة/ مصر
لينك الفيسبوك
https://www.facebook.com/share/15DHfa8kGw/

قصيدة شعر بالعامية

قصيدة/ صوت المراكب

دَق السفر بابك وإيدك هنا بتسيب
صوت المراكب أعلنوا إنك خلاص حتغيب

يمكن سنة يمكن سنين..
يمكن كمان تفضل هناك
حتى الشوارع تسألك… مين غيرك معاك؟

لِمّ الصور لِمّ البيوت لِمّ الصحاب
لِمّ أي شئ يدَفي ينفع في البرد اللي هناك
واحضن الأشياء أوي واحفظها جوة القلب
يا عالِم رايحة بيك الغُربة في أي درب

هتوصل أرض غير أرضك…
يدوب توّصَل…تلاقي الشوق بيندهلك
وكل شيء مَر ف حياتك يبقى كوم
وأخر حضن من أُمَك هيفضل كوم
يعدي يومين
تنام هيَّ علي غيابك وتصحى عليه
بدون إدراك
تقول لأختك إدخُلي صَحيه
أو إسأليه هياكل ايه

ليالي الغُربة يا بعيدة
ليالي الغُربة يا طويلة
هنا أهلك
هناك وحدك
هنا روحك
هناك جسمك
وبينهم ذكريات عمرك

تشبه حصان المعركة مقسومة روحك بالسيوف
لا ليك في أرض ولا بيقولوا لك يابطل
وإن عِشتها بتعيش في خوف

وأول صُبح يجي عليك وأول ليل
وأول ناس متعرفهاش
وأول شمس ماتشوفهاش
تكَمّل وحدك السكة
تقاسم روحك اللُّقمة
تشوف اللَّمة جَمعا الناس وماتعشهاش