خاص بمسابقة مهرجان همسة الدولى للأدب والفنون فرع شعر العامية الأسم/ حلمى قاسم على محافظة قنا صوت المصلحة _______ الليل خَــــواف والمَرِكب مــــــن غير مِجداف ملهاش لازمة والجَزمه ان غَسَلت وشها بالورنيش بتعيش بَقشيش فوق حِجر الترابيزه بيطوي المسافات الخد والهات فى الزمن الحالي اتنين اخوات و مفيش جناحات في السما بتطير منتوفة الريش هَتقول مَعييش الخطوة هَتوقف وماتمشيش في قانون المال إركب جيبك توصل في الحال مِش عايزه سؤال صوت المَصلحة بس المسموع مَوضوع الود فارقنا ومات مِن قرص الجوع نَفسُه المَقطوع مَبقاش يستحمّل لوم وعتاب كَداب القلب اللى يحبك مِن غير أسباب كَداب القلب اللى يعوزك غير كــــــورة شَراب الوقت اتغير تفاصيله ونهارُه إتصَاحب مع ليلُه بقي شِبه ســــــواد عــــــداد التاكسي ابتدي يسرق كام كيلو حرام و لجام المُهرة الحَرنانه مابيفرمِلهاش الجَدع الفارس مَركبهاش ولا خَدها في باطُه وروضها مابقتش الطبله تعوضها ولا عادت تشتاق لليالي زمان عَشمان في رجوعك للماضي و حضن الطيبين ؟! لك يوم واتنين قـــــاعد تتصعب ع الدنيا وبتشكى العيشه لخَشب الناى طب قولي ازاى مع مين يا حزين هَتعيش العمر الجاي ؟!
