الاسم: إسماعيل عبد المهيمن محمد الشطورى
الشهره: إسماعيل الشطورى
الدوله:مصر
فيس بوك:
فرع/شعر عامى
عنوان القصيده/
“ضحكه فى الصوره مرسومه”
شايف الحزن في عينيكى
وضحكه في الصوره مرسومه
على ايه لحزنك بتداري
يا بنتي دي حاجه مقسومه
بتتباهى بالقوه وان الجبال سنداكى
وان حلمك خلاص قرب
وان اللي اتمنيته جاكى
وان صحابك كمان الاول
في الشدائد مرصوصين جنبك كما الصوره
وان الزمان بالفرحه مديكى
فرح في فرح والفرح ماليكى
وان حبيبك بيكى متهني
وانك عايشه حياتك بكل ألوانها
ولابسه فستان السعاده و كردانها
و انك عائشه كمان اسطوره
ده يا دوبك بس في الصوره
اما الواقع أليم بجد
والحزن فارد ذراعينه
خايف ليزورك بالفرحه حد
ويكسر عليه عادته وروتينه
وعلى ايه الحزن منك خايف
ومركب احلامك في بحروا عايمه
وقلبك فارد لجاه الحزن شراعينه
لا لاقى بر ولا مرسي
ولا فرصه
يلم فيها شراعينه
وعينه من العذاب دبلت
وملت من بصيص النور
يا ترى خير اللي جاي
ولا قدر عايزني صبور
ظاهر من عينيكى الحزن
وليه لحزنك بتداري
مظاهر مهما خبيتى
وعايش مهما حنيتي
في يوم لذكريات عدت
وللطفله اللي جواكى
فاكرها بالفراق ماتت
او حلت مكانها عجوز باتت
وانك قادره تمحيها
او تشيليها فى درب بعيد
لا مره تيجى على بالك
ولا من تانى حتى تشوفيها
وعن حنينك ليه
وشبكه ايديك في إيديه
وخطواتكم في الشتاء تحت المطر
واسمكم لساتو محفور على الشجر
على شجره فل ويا كافور
في حديقه كنتوا زايرنها
في اخر شارع قديم لسه ريحته شامنها
وعارفينها كما الاسماء
وكل التفاصيل لسه فاكراها بكل غباء
ولسه عايشه جواكى
وعشش بين ثناياها الحزن
يابنتى من الحزن كفاياكى
وبصى لبكره اللى جى
وانسى الماضى هينساكى..
