مسابقة مهرجان همسه الدولي للأدب والفنون اسم المتسابق / حلمي قاسم علي محافظة قنا ضد التيار ******* يا مســـــافر عكس المشوار يا معاود للزمن الماضى وبتسبــــــــــح ضد التيار فى ضلوعك احاسيس ومشاعر مـــدفونه فـ جُب الاسرار منشار بيقطع فى شجونك والحزن الراقد ف عيونك بقى واقف صاحى وزنهار صحيته بشـــوقك لعينيها وحنينك لجمال حكاويها لياليها الحلـــوه وغناويها والحلم اللى مالوش معيار محتار و مولع كام شمعه ومتلخبط بين ضحكه ودمعه بتتحــــــسر اول ما تفكر وتعـــــــــــاود تانى وتتذكر بسمتها وطيبة تقاطيعها مواضيعها ولمسة صوابعها واحـــــــــلامك وياها زمان ويبان الشـــــــوق المدارى وكإنك مستنى وشــــارى ومش دارى ببعد المسافات من بعد ما كانت فى ايديك وبتدبح روحها وترضيك دلـــــــــــوقتى الابواب مقفوله وطريقك بالشوك موحوله والفـــــــوله انقسمت نصين فكفايه عليك بس صورتها تحضنها وتسرح مع صوتها وتتنهد آهة حرمان
