خاص بمسابقة همسة للأدب و الفنون الدورة العاشرة لعام 2022 الأسم / سماح محمود عبد الحميد الشهرة / أحلام عمرنا.... Ahlam Omrena نوع النص / شعر عامى البلد / جمهورية مصر العربية رقم الواتس / 01007664344 لينك الصفحة الشخصية بالفيسبوك https://www.facebook.com/ahlam.omrema ضربة ودع ........................... إضرب يا عراف الودع وإقرا وشوف أنا قلبى شايل م الوجع ملو الكفوف عمال أدور م الضحى وعمال أطوف وإن يوم سألت جراحى ليه؟ هتقول ظروف إضرب وقولى على اللى داير فى الخفا أصل الوفا أصبح سراب وأنا مش هآمن تانى بحروف العتاب قلبى من الأوجاع خلاص فى الحيره داب إضرب فى أصداف الزمن شوف المراد وأطلب من القلب التمن يرمى البياض وإحكي اللى باين يا جدع وسط الودع.....حبه رمال وحكاوى تحقيقها محال إحكى وهصدق كل تخاريف الخيال خرجنى من موج الأهات دا العمر فات...... واللى مضى من عمرى حبه ذكريات إيه اللى داير فى القلوب من ناحيتى صعبان عليهم وحدتى؟؟؟ حاسين بحيرتى وكسرتى ولا القلوب فيهم حجر؟؟ مابقوش بشر؟؟ جف الحنان من قلبهم...وقف المطر؟؟؟ ماتقول يا عم بلاش بتر وإضرب على سيف الوتر لحن الدموع.... وشوش فى أصداف الودع وإطفى الشموع إضرب كمان مره وشوف سكة رجوع دا أنا قلبى بيكسّر فى جدران الضلوع عايز يفك من الوريد...... اللى بينبض جوه منه بالصديد عايز يشوف شريان فرح بين الطرح.... عايز يداوى نبض حبه اللى إنجرح يا أهل الودع...... أهل الوجع جدر الفرح من أرضهم مات وإنخلع والحزن من طول جرحهم فيها إنزرع وسحاب دموع ......ساب المطر يظهر كدا إن الوجع أصبح قدر ولا الكسوف غلب القمر ما بعتش نور والنجم ضلل مركبى وسط البحور حتى القلم ساب السطور حتى الزمن ما بقاش يدرو حتى أنا..... من كام سنه عايشة هنا .... بين البشر عماله أوشوش فى الودع و أرسم صور لحياه جميلة بعيد عن الخوف والخطر وأبعد عن الآه والوجع تبدأ بشاير فرحتى بضربه ودع بقلمى / أحلام عمرنا
