قصيدة : ضمينى تاني . مسابقة الشعر العامي بقلم / مي إبراهيم القاضى

الاسم / مي ابراهيم القاضي
البلد / جمهورية مصر العربية
فئة الشعر / عامية مصرية
اسم القصيدة / ضميني تاني

ضميني تاني
*******

جوه حضنك …………بس ببكي
بين ايديكِ………….. بس بحكي
بين ايديكِ تنفجر براكين ضحكي
في دفا حضنك ….من الدنيا بشكي
بنسي ضعفي وبفتكر
بس اني…. حتة منك
صدقيني ياغالية إنك
أغلي دنيا فيها عايش
بحب أسمع منك إسمي
كل لحظة…. كل ثانية
بيتنادي من أجمل شفايف
بين إيديكِ يامة شايف
الدنيا ….خايفة مني
بنسي ضعفي وأحس
بس ……..إني
أقوي بيكِ… أبوس اديكِ
وحياة…………. عنيكِ
ضميني تاني خليني أنسي
غدر زماني
محتاج لحضنك كل ثانية
جواه بلقي دنيا تانية
فيها أنا أجمل أمير
الكون بيضحك الكون جميل
عايز أفضل يا أمة أصلي
أدعي رب الكون يخلي
فوق عمرك عمر تاني
يانعمة بيكي ربي هداني
وانتِ معايا برده ….ياأمة
والله وحشاني أبوس أيديكِ
ضميني يا أمة ضميني تاني