عاوز أجى لك
بس مش عارف أجى لك ليه!؟
يمكن أشكى لك
وأجيب قلبي عاليه واطيه
أطلع وردك الناشف
ميعاد بيننا اعتذر آسف
وقلب بيرتجف خايف
يقولك…لمى فيه…إحتويه
مخربشنى حنينك
دمى بان وبان ما فيه
حبنا الساكت وكله كلام
عمرنا الفايت..زعل وخصام
لابيننا خناق
ولاإتفاق
ولاشئ نقوله .أو..نداربه
عاوز آجى لك من مده
زمن قابل زمن عدى
ويلمع وشك الفضة
في شئ حاسه وبتخبيه
مابيننا مسافه مش واضحة
بشوفك زى نور فرحة
وخطوة بالأمل طارحه
هناك قلبي مستنيه
وعاوز آجى لك
بس مش عارف أجى لك فين
