قصيدة / عزة نفس . مسابقة الشعر العامي بقلم / :السيد يوسف محمد يوسف

الاسم :السيديوسف محمد يوسف
الشهره: سيد يوسف
الفئه : شعر بالعاميه المصريه
الواتس 01063906205
عنوان القصيده: عزه نفس
((عزه نفس))

بعزه نفس راح أقوالها
أنا مصري وليه تاريخ
ذكرها الله ف قرآنه
بآيه فيها معني صريح
وحلفت لأصارع الأهوال
ولو همشي ف عكس الريح

((بعزه نفس راح أقولها))
((أنا مصري وليه تاريخ))

تاريخ مصر غنوه حلوه بغنيها
مصر كلمه الكل يعرف معانيها
حكمها يوسف زمان وكان أسير فيها
شيد صروحها وعلا مبانيها
مصر الحضاره والكرامه
والتاريخ قوال
اللي بتربها ياما طلعت أبطال

((بعزه نفس راح أقولها))
((أنا مصري وليه تاريخ))

مصر مناره العالم بالأهرمات والنيل
مصر أمي اللي باعها طويل
مصر حكايه تنحكي ف مواويل
قالوا عنها زمان مصر هبه النيل
مصر مهد الحضاره أم السما الصافيا
حاضنه لكل العرب بأرضها الدافيا

((بعزه نفس راح أقولها))
((أنا مصري وليه تاريخ))

أنا المصري اللي شايل كفنه علي ايده
أنا المصري اللي بفرح كل يوم عيده
أنا المصري اللي غني مصر ف أناشيده
أنا المصري اللي واقف صلب وري سيده
أنا المصري اللي حرر سينا م الطغيان
أنا المصري اللي بعزمته يهد جبال

((بعزه نفس راح أقولها))
((أنا مصري وليه تاريخ))

يا مصر قومي أفرحي
ولادك أهم راجعين
رافعين ريات النصر
بكل عزم ودين
بعد ما هزموا الأعادي
وكانوا لهم صامدين
حالفين ليحموا ترابك
من كل جمع أسيم

((بعزه نفس راح أقولها))
((أنا مصري وليه تاريخ))

أنا المصري اللي رجع أرضه بالهمه
اللي بعزمته حطم خط بالميه
وحلف يخطي الصعاب واللغم موجود
ورجع ارضنا سينا وحل كل قيود
كأنه بسبح ف نهر من الأخدود
وكل العالم واقفين اهم وشهود

((بعزه نفس راح أقولها))
((أنا مصري وليه تاريخ))

مصري وتاريخي العالم بيشهد بيه
أن جالي ضيف أكرمه وأحيه
وأن جالي عدو غادر كمان بعاديه
أصل الوطن غالي وبعنيه أحميه
وطني اللي بيه بفتخر
وأصون كمان أراضيه

((بعزه نفس راح أقولها))
((أنا مصري وليه تاريخ))
 سيد يوسف