مصطفي عبد الحليم قصيدة عامية بعنوان عشقك يامصر بسمع كتير كلام بيألمني عن مصر ومصر عشق قاتلني اللي يقول يامصر حبناكي وانت ماحبتينا واللي يقول طول عمرنا بالشقا وغيرنا عايش بالنعيم واللي يقول واللي يقول كلام كتير بيؤلمني ومصر عشقي قاتلني يا مصريين مصر عمرها ماكرهت حد من ولادها لو شقينا أو تعبنا ده نصيبنا ماهو غيرنا عايش بالنعيم مش ذنبها ذنب ناس تانيين مصر هي أمنا بحضنها بتلمنا وفي ليلها سحر وحب وبتحرس عشقنا وبنيلها تسقينا الحياة وبزرعها ماقلتش لا ده أرضها السمره الأبية ارض عفية اضربها فأس ترويها ميه تديك حياة مقلتش لا مقلتش لا حتي واحنا ينجرف ارضها اتألمت واتحملت مقلتش لا وفي نيلها لما بنلوثه بمخالفات نرميها في المياه اتألمت وتحملت مقلتش لا يبقي مين فينا اللي ببكره هي ولا أحنا المصري في كل البلاد معروف بالبشاشة دمه خفيف وروح نقية وابن نكتة حتي في الأزمات بيسخر بابتسامة أو علامة أو بكلمة روحنا الجميلة اخدنها من جوها وأرضها وشمسها ورضعتنا الكرامة والشموخ عمرها ما تقبل يوم هزيمة أو خضوع فاكرين بورسعيد والعدوان الثلاثي والانجليز والفرنجه وقبلهم كان التتار عمرها مافتحت ايديها لمغتصب كانت تدينا القوة اوعوا ياولاد تستسلموا حاربوا حتي بالدوافر بالكلام اوعي العدو يحس يوم بالأمان مين إدانا القوة بقلوبنا مش مصر مصر الامان مصر اللي ذكرها ربنا في مواضع كثيرة اذكر منها لما اليهود اتمردوا علي خير جاي من السما كان البديل الأرض والأرض طبعا لازم تكون مصر
