قصيدة :علم العروبة حزين . مسابقة الشعر العامي بقلم / ناهد علي محمد

بعنوان / علم العروبة حزين

سد الشقوق وموت التعابين

علم العروبة رفرف بقلب حزين

نخوتنا ماتت مطعنوه مية سكين

أعلن حداد على سوريا وفلسطين

أما اليمن قسموها قال شقين

شق الاصيل والتاني محتلين

وتراب بلادي دهب وتمنه نفيس

بيبعوا لينا الذل بلا تراخيص

ودمهم غالي والعربي دمه رخيص

نازفة الدموع بتنعي أوطاني

صوت الدنات هد وجداني

أملك وما أملكش

عايش شريعة غاب

غريب ينام فرشي

أهل الديار أغراب

الذل مش طبعي ورأسي مرفوعه

إني أسيب حقي دي كلمة ممنوعه

الحق أصله صريح لا حوار ولا تصريح

طيري وطاير لكن جناحه جريح

كيفيانا فرقة نازلين كلام تجريح

الدم واحد والروح كمان واحده

إيدك فى إيدي هنقوى بالِوحده

ضهرك في ضهري لبعض هنساند

روحي فداء روحك ضد الغريب عاند

ترجع تاني بلادنا أعلامها عربية

ونكون بروح واحده تصفى كده النية

يرجع حمامنا ويعشش الغية

ونلم فى جروحنا أحرارنا ثورنا

والدار بقيت دارنا كفاينا تسلية