قصيدة :على وش البيوت . بقلم الشاعر / نصر هاشم

على وش البيوت

….

توت

على وش البيوت

حلمك المفلوت

بيموت

ساعة سكوت

وانا بندهك

وباعلى صوت

يمكن بيوت

الكون تطلع بالغنا

عزف الاماكن

ممكنه

جوه التابوت

….

حلمين خلاص

يمكن غروب

الشمس

يطلع م الرصاص

سكة وجع

وقلوب …

تدوب …

ساعة غروب

حلمك المفلوت

م الوسع

القلب لما اتلسع

شال الحديت

جواه

قلبي اللى تاه

ساعة م غنالك

يكتب على بابك

بكام غنوه

وحدوته

الحلم لو توته

تطلق زغاريد البيوت

حلمين واموت

….

يمكن على سكوتك

حديت

يمكن على موتك

يغوت

الحلم موت

مدارى ف البيوت

يمكن اغنيلك

اكتب مواويلك

ع الورق

اكتب اهات النجع

كام غنوه

ساعة م انوى

ع الرحيل

اسبق عيدان القمح

ع المناديل

كام سطر مبعوتلك

ف النهار

الحلم جمار

ينهار

لحظة ما نار

العشق توصلك

اكون ميت

ف اخر كون

…..

نصر هاشم