قصيدة : عيد الأم . مسابقة الشعر العامي بقلم / ماهر نسيم

قصيدة بعنوان
عيد الأم
…..
في عيدك ياامة في عيدك
في عيدك أقف ليكي انتباه
واوطي وأبوس إيديك
وارفع أيدي أنا للأله
وأفضل يا امة ادعيلك
يا مركبي يا طوق النجاة
يا نعمة كبيرة من ربي
يا أحسن مخلوق في الحياة
في عيدك يا أمة في عيدك
اسجد لربي وادعيلك
يارب ياامة يكرمك
وتكون الجنة من نصيبك
فتحت عينية يا أمة
لاقيتك حواليا يا أمة
ولاقيتك جنة يا أمة
بتبص عليا يا أمة
أنا مين سماني أمي
وحرك لي لساني أمي
وبالحب رواني أمي
وتعبت علشاني أمي
يا نور عينية يا أمة
يا أغلى ما ليا يا أمة
يا حاسة بيا يا أمة
ودايماً مداوية يا أمة
وأنا مين غذاني أمي
وشلني ورعاني أمي
وأغلى الأسامي أمي
وسكر أيامي أمي
ياما دلعتيني يا أمة
ياما فرحتيني يا أمة
واتحملتيني يا أمة
ولا زعلتيني يا أمة
مين الحنان أمي
بر الأمان أمي
وأجمل إنسان أمي
والعقل ميزان أمي
كلك إحساس يا أمة
حباك الناس يا أمة
مكانك على الرأس يا أمة
وأغلى من الماس يا أمة
مين خدني في حضنه أمي
ونمت على صدره أمي
ومكاني في قلبة أمي
وحماني بعمره أمي
أنا ولا حاجة لولاكي يا أما
والعمر فداكي يا أمة
والخير في رضاكي يا أمة
وماشي بدعاكي يا أمة
مين الحبيبة أمي
مين بحر الطيبة أمي
مين ساكنة القلب أمي
مين الطبيبة أمي
بيكي تحلي لمتنا يا أمة
بيكي تكمل فرحتنا يا أمة
يا نوارة بيتنا يا أمة
يا أحلى حاجة في حياتنا يا أمة
مين دايماً فاكراني أمي
وبتقلق علشاني أمي
ودايماً بتدعيلي أمي
وتوصيني علشاني أمي
ده أنا أجيب الورود يا أمة
وأبوس الخدود يا أمة
ده اللي يراضي أمة يا أمة
برضاها يدخل الجنة
أنا تحت أقدامها أمي
أنا ليها خدامها أمي
وعلى الرأس راح اشيلها أمي
واحميها واصونها أمي
قلبي فرشة ليكي يا أمة
وايدي هي إيديكي يا أمة
والأمر لمعاليكي يا أمة
وأنا خدام عنديكي يا أمة
مين دايماً تناديني بيابني أمي
مين فرحها دايماً يسعدني أمي
مين ما تتعوضش أمي
وكنز كبير من ربي أمي
…..
قصيدة عيد الأم
قصيدة بالعامية المصرية
كلمات الشاعر ماهر نسيم
تليفون
٠١٢٧٨٧٨٠٤٤٧