قصيدة ( عينيكى كتاب ) مسابقة الشعر العامى بقلم / صبرى إبراهيم على

 الاسم….صبري ابراهيم علي.
الشهرة..صبري علي.
القاهرة.
تليفون/واتس..01006676631
Facebook…Sabry All
Link…https://www.facebook.com/sabry.aly.184
إسم القصيدة..عينيكي كتاب.
النوع شعر عامية..

#عينيكي_ كتاب.
** مقلناش كلمتين على بعض..
بس العين كتير…قالت!!
بعد الشّوق بكام صفحة..
– فقرة (الفراق مكتوب)-
نهاية سطرها التالت.
لمحت الحزن كاسي الرّوح..
وقال لي:”الفرح مش مسموح”..
ودمعة ع الخدود….سالت.
……………………………..
** قلبت الصّفحة وباكمّل..
قعدت اقرا,وأتأمّل.
لقيت اسكتش بالألوان..
لشجرة حزن مدفونة..
لغاية بعدها التّالت.
أوراقها كتير يابسة..
يضمّها النّسيمّ..عابسة.!!
وأغصان الحنين مالت.
…………………………
** وع الهامش بخط صغير..
مكتوب عمرها الأصلي..
-ما بين اقواس- من قبل الملاد بيومين!!
وقبل ما تخلص الصّفحة..
لمحت عبارة غير واضحة..
وبعض رموز من الماضي..
وحفريات علي صخرة..
وكام كلمة كدة اتشالت!!
……………………………..
** في صفحة عشرة بعد الألف..
بعنوان..(العتاب ,والّلوم)
لقيت ف عينيكي ظل عتاب..
أنا يا حبيبتي مش كدّاب.
لكن سهم الفراق عدّى..
وسايب قوسه -من مدّة-
وراح بين الضلوع…فالت.!!
………………………………
** ومن يومها مبافرحشي..
كتير تعبان مبارتاحشي..
ومهما قريت مبافهمشي..
وقبل نهاية الباب دة…
أنا كنت فاكر الهوى..
مجرّد كلمة واتقالت.
……………………………..
** أنا يا حبيبتي من يومها..
باعوم في الآهة..على عومها..
ولو خرجت ما باكتمها..
لأن انا وانت كنّا اتنين..
وصار بينّنا الفراق….تالت.