خاص بمسابقه الشعر العامي
الاسم. ايه حمدي محمد حميده
اسم الشهره الشاعره المختمره
الدوله مصر
محافظه الشرقيه
رقم الواتساب ٠١١٢٤٣٥٥٤٩١
عجزت ياواد وشاب شعرك
وسكينه الغربه بتقطع لحمك
امبارح كنت بتسرد شعرك
كنت بتقطع دفاتر الماضي
عايش في الحزن علي الفاضي
بتبكي روحك وسط خلق اناني
ياوليدي الحزن باب مفتوح
ياتقفله ياقليبك يصبح حي مدبوح
ودوالبيب احلامك هتدهن بلون المر
ومسامير صرفها صدت من كتر الحزن
المتغرب في بلاد الله
ذيه ذي الحصان بيرمح رمح
وسنين عمره بتصيب كمثل الرمح
عايش متغرب كالذليل والسجين
والناس في بلاد ه تحسبله بالملاليم
اشتغل كام ساعه يوم كام شهر
وماحدش ضايق طعم المر
حد هيحس طعم المرار غير الصبار
اللي عجز في بلاده داق خيرها
والمتغرب سد في دينها
انا المتغرب الهربان من فقري
ببات وبصحي علي عفري
بيقطعوا من لحمي أجري
انا اللي بزرع بساتين في أرض مش أرضي
بيمصوا من دمي ليروا أرضهم
بقيت بسن سكاكين في غربتي
بضيع سنين عمري ودنيتي
انا اللي الفاس بتهد في ضهري
متغرب وسايب اهلي وارضي
حياتي بقت تعب وشقي
حتي وانا بمضي عقد الخارج
دفعت قصاده ميه ميه وجع
آه من ميه وجع
وجع اللي بينام من غير عشا
بيبان وبصحي علي شقي
وجع الحنين والاشتياق
وجع الحاجه والحرمان
اه لو تلقي في يوم فرصه عمل تكون طاير من الفرح كأنه يوم عيد
والسنين هتفوت مش هتعيد ولا لحظه حلوه وسط بلادك
ياللي شادد ترحاللك
وناسي ودافن احلامك
شايل كفنك علي يدك
مالقتش حتي غفير يقف حدك
عارفه أنه غصب عنك مش يارادتك غربتك
اكيد ليك بنت او اخت علي وش جواز
اكيد محتاجه أكوام واجهاز
والعريس مستعجل على عقد الجواز
واللي استغرب قلبه محمل
يااما شاف مر وتحمل
علشان يصنع مستقبل
ويرجع يكمل بقيه حياته
وسط ولاده وبناته
ويعيش بقيه حياته في هنا وسرور
يابياع السعاده قولي اجيبها بكام؟
