يا غاية المشتاق ياعطر الأنسام
يا وردةٍ في لونها تعجب الذوق
يا إشراق شمسٍ مشرقٍ كل الأيام
يا نور يضوي بالدجا يشبه بروق
لأجلك أسير الحب لي مدة أعوام
من يوم شفتك وأشعر القلب مسروق
خليتني أبحث عن الحاء واللام
يا اللي جمالك زاهي الوصف ويفوق
وخليتني عايش مع أوهام وأحلام
تجذبني الولهه ويغمرني الشوق
أبني أمل باليوم والشهر والعام
لعل تسطع شمس الآمال بإشروق
أنا خوي الليل والهم ما نام
فيك البها فيك النقا وعذب منطوق
يا بدر يا صافي ويا ضافي وتام
جذبتني وعذبتني وزينك إيلوق
