خاص بقصيدة العامية
سيد عربي السيد
01092901532
مصر
(فؤادة)
……….
مَلّح بواقي الشوق فى روحك
واعدل مزاج الخوف فى قلبك
وإن قابلت الصبر
قلب للحياة طعم الوجود
هون على صمتك تفاصيل ضحكتك
داري اللى باقي فى ذكرياتك بالرحيل
.. حلمك قليل .. !؟
فوق كتف باب الشوق
بيبدر فى الرطب
متزوقة البنانيت بتحلم بالمحال
بس السؤال ؟
ازاي ينادي يا (فؤادة) .. شوقك حلال
عتريس دموعه غرغرت قبل الفراق
ورموه بخوفه فى انهزامات الحياة
قواه حنينه لحضنها
ولإنها .. بتنام على ريش القلق
عتريس لها كان طوق نجاة
هايش يا نور الصبح على باب الولاد
مين اللى قاد بالنار قلوبهم والحطب؟
مين السبب؟
راجع يِقَوت صبرها ذل وعناد
نازع بإيده حلمها
.. اليومُ لنْ تزدانَ روحُكِ بالغياب ..
قفل الكتاب
واتعمد الخوف اللى ساكن قلبهم
شد السراج واتملى بعنيه السراب …..،
