احمد محمد على سليمان — الشهره مسيو احمد الصعيدى –
طهطا سوهاج – مصر – قصيدتى بعنوان فاكر—فاكر يوم العيد
مسيو احمد الصعيدى
طهطا سوهاج مصر
فاكر… فاكر طفولتنا!؟؟
ولا لمتنا !
ولا محبتنا!
والفرحة اللي كانت ماليه بيتنا !!
– فاكر فرحتنا بلس العيد !؟؟
فاكر فرحتنا بعديه على كد الأيد ؟!!
قلوب كانت صافية
وعيشه كلها عافيه
محدش يقول ويعيد
– كانت البركة كتيره
والكل سعيد مفيش تكشيره
وامئ فى البيت الأميرة
وأبويا الأمير وهو السيد
كانت فرحتنا بالمرجيحة
وقعدة للفلم في التلفزيون
على الأرض مريحه
والكل راضي والحياه حلوه وصريحه
– فاكر لما كنا لمه ؟؟!
وبيتنا لمبة جاز والدنيا ضلمه …
وونسنا كان ف حضن
امك لما تضمنا ضمه
هو ده اللي كان العيد
كان الكل يتلم حتى
لو ساكن بعيد …
كانت زياره العم والخال
من طقوس العيد
كان الحياه بسيطة
والدنيا هادية
ومفيش زيطة
و الكل فرحان وسعيد
أيامها كان في كلمه عيد
