كيرلس حنا
اسم الشهره/المظلوم
مصر/المنيا
رقم الواتساب01200936299
شعر عامي
عنوان القصيده/فراقنا كان عادى
مش هندم ابداً على حبــك
ولا عن إحساس إنى عبدك
انا قلبي بس عشق قلبــــك
اهو جاله يوم يحصد زرعه
يستاهل يندب في شوارعه
مش هزعل انه رافض غيرك
وكأنه مدفــون في بيــــــرك
ده بجد انتى كتر خـــــــيرك
اهو قلبي اتعلم من بُـــــعدك
يستاهل لو هيموت بَـــــعدك
مش هحكى ولا اقولك عنى
ولا انى روحى راحت مــنى
وهــقولك فرحان مـــــتهنى
ونـــفسي هسيبها تــــتعذب
وهعيشها حتى لو بـــــكدب
مش هندم على كلمة امى
ولا شعري ولا تنية كُمى
ولا كلمه سمعتها من عمى
ف جمالك كنتى تستاهلي
اتبهدل اكتر ف مشاكلى
برواز متعلق فيه صورتك
تحتيه يا ملاك مكتوب سيرتك
وطبيعي يقولوا انى كسرتك
وابوكى بيلومنى انا ليه؟
اصله مشافكيش ف كافيه
ولا شافلك صوره ف احضانه
ولا شافك راكبه على حصانه
متفاخر بيكى على جيرانه
والغالي ابوكى فرحان بيكى
مش هقولك معرفش يربيكى
ده قلبي مصمم على حضنك
كان نفسه يحس انه ابنك
كان يبكى وهو اللى يضمك
يستاهل ايوه اللى وصله
ما هو عبد واميره بتذله
مش الومك على كسرة فرحى
اصل انا حبيتك بجوارحى
وكأنك طعنانى برُمحى
وإن لسه بَحبك أكمني!
ف طبيعي بُعدك يقتلنى
قولتيلي ان انتى بتاعتي
مش هسأل ليه طيب بعتى
انتى ف وسطيهم كنتى
وقلبي اللي وصفك بملاك
بيقولك يا نبضي فداك
بيقولك يا حبيبتى بوصيكى
تبصي لصورتى بعنيكى
وحطي إشاره بأيديكى
مش سوده ولا حتى رمادى
اصل فراقنا كان عادى
بقلم كيرلس حنا
