خاص بمسابقة مهرجان همسة الدولي فتحى الحصرى
فرع قصيدة العامية
الاسم / يسرا حسين حامد
الشهرة / يسرا العجمي
رقم الواتس/هاتف/ 01226172933
مصر / محافظة الاسماعيلية
رابط صفحة الفيس
https://www.facebook.com/profile.php?id=100005150922538
قصيدة / فض بكارة
بقلمي / يسرا العجمي
قميص شفاف
وكأس ل براندي علي بيرة
وكوم م اللحم لم يتشاف
وطقم كوليه من العيرة
كلام للعبرة مش اسفاف
يا تسمع !!! يا اما نفضها سيرة
كلكس حزين لصوت م الزفة بيودع
وطقم حريم نازل رقص ومبدع
خبيز و طحين وفرن وست بتخدع
وعود ياسمين ورش الملح بيندع
في قلب المشهد
لعب عيال بحبة بمب علي صواريخ
في قلب المقعد
رجالة وصوت تحطيب علي الشماريخ
في وسط المنقد
كبابي الشاي بتتسلطن مع التواشيح
ختام المشهد
كتاب مفتوح بيتغير مع التواريخ
سيد الرجالة
مادد كفه للمعازيم ”’علي دا الحالة
يقعدهم يقولوا ماشين
خلاص لا محاله
واقسمنا بألف يمين
نشوف في عجالة
حرب وسلم من حرفين
وبسم الله
هنبدأ ليلة الدخلة
بعون الله
شمال اجباري دي الداخلة
وعهد الله
ما كان لينا في دي الشغلة
كريم الله
هنبدأ شت دي النخلة
وفارد شاله
مستني حمار زغلولها ومرطب
وشاري بماله
ف ليه ع الجارية هيطبطب
بيندب حاله
ليه زغلولي جه معطب!!
فهاتف جاله
لم الليلة هنشطب
ويصدر أمر
بإن الجارية معيوبة
وان التمر مكنش لنخلة مغصوبة
وفرض الشر
بقينا في ايه مقلوبة
وكر وفر
تشيب الجارية كركوبة
وبين النوة والفيضان
حكاوي كتير بتتصدر
وتعمل م الجريد قضبان
لسجن كبير بيتحضر
محدش فينا كان غلطان
في قول الحق يستكبر
يا سايق عقلك الغضبان
أمانة…. امانة في لحظة لتفكر
وتخرج كلمة من صوته
تخلف م الكلام مواويل
وبين الهمس وسكوته
يعيش شايل مرار الويل
يا ظالم حر لا تفوته
يبات النخل وسط الطين
ويحمل حمل كان كاذب
لفض بكارة ماتفضش
ومين ع الغلطة هيحاسب
يا ميت صدي صوت ولا اتردش
وجاب تقدير لكن راسب
كلاب الحي ماتعضش
ويصدر حكم كان غايبآ
لقصة عبيطة تتكرر
بأن النخلة كت ديمآ
لسوء أخلاقها بتبرر
يا باتر كفنا الأيمن
هيجي اليوم ونتحرر
