قصيدة : فهمت الدرس متأخر . مسابقة الشعر العامي . بقلم / محمد عبد المنعم عبد الحليم

فهمت الدرس متاخر
ف عادى لو بقيت بخسر
ف ناس مكانتش بتقدر
ولا بتعمل لوجعى حساب

ما خدت جزائي من طيبتى
وفيت اديت ده من خيبتى
وليه بعدين ما دلوقتى
هروح وامشى وهمضى غياب

&&&&&&&&&&&&&&&&&

خلاص من وجعى فاض بيا
ده دمعى لسة ف عينيا
بناقص عشرة مؤذية
ده طعم الظلم بيشيب

برئ قلبى ومن جهله
ده عاشوا سنين بيتسلوا.
بجرحه معايا ليه قلوا
وربك عمره ما يسيب

&&&&&&&&&&&&&&&&&&

ومن جوايا متكسر
وناس عمالة ليه بتصغر
ف عينى الكل ليه بيظهر
على عكس اللى انا شوفته

تعبت وشيلت فوق طاقتى
وحتى لما جابوا سيرتى
محدش رد يوم غيبتى
ومين عاش اللى انا عشته

&&&&&&&&&&&&&&&&&
قصيدة فهمت الدرس متاخر
بقلم
محمد عبد المنعم عبد الحليم
القاهرة
مصر