فى الإنعاش ***** عايش فى دور غرورك وعامل فتوه وجرئ جبروت الدنيا واخدك
وبتكابر وتظلم برئ
بتإذى الخلق بعنادك
والشر واخده رفيق
نسيت عقاب ربك
فى الوحل بقيت غريق
وأديك بتنول جزاءك
حادث مروع فى الطريق
وألم بيسكن فى الضلوع
كسور وشعور بالضيق
ونزيف ونفس مقطوع
ناس بتحاول تنقذك
ونهار بيبدأ فى الطلوع
إسعاف يشيلك وياخدك
وعيون بتبكى بالدموع
ودكاتره بتجرى وتسعفك
والنبض بيستجيب للرجوع
القلب بيعود للحياه
وتنام فى غرفة إنعاش
وجعك من كل اتجاه
ودورك لسه مجاش
وكأنك فى حلم كبير
بتصارع مع الأوباش
بتعيش فى تأنيب الضمير
لسنين من عمرك ماعدتهاش
ذنوب وأخطاء كتير
فى كل حكياتك ماحسبتهاش
شريط ماضيك وذكرياتك
قدام عنيك بيمر
وبتتمنى ترجع حياتك
والخير يهزم الشر
نفسك تتوب ومش عارف
لو ربك كاتبلك عمر
خايف من الموت
ماعملتش حساب القبر
واديك بتتوجع بصوت
وتتعذب فى أخر العمر
أيام معدوده بتفوت
وروحك بتطلع بالأمر
بياخدها عزرائيل فى سكوت
وحلقك ماليه المر
ملايكه هتيجى وتسألك
عن كل أفعالك وأعمالك
عملت ايه فى دنيتك
يشفعلك عند الستار
ماعملتش حساب لأخرتك
وأديك هتتشوى فى النار
أقولك إدعى لنفسك
فى ليل أو نهار
وإحلم تكون بتحلم
ويطلع وهم وكابوس
طلع التوبه من قلبك
وأوعاك تظلم نفوس
وأطلب الرحمه من ذنبك
ربنا كبير وبيحوش #الشاعر_وليدالمصرى
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
