الاسم رضا علي احمد ابو شنب
الشهرة الشاعر رضا ابو شنب
مشاركه في الشعر العامي
٠١٢٨٢٣١٠٠٩١
قصيدتي الجديده
(في الشوارع)
لما لفيت الشوارع
شفت اهلي الطيبين
اللي نايم جوه جامع
واللي قاعد في الحسين
*************************
اللي فارش بالبضايع
والغلابه المحتاجين
واللي شاري واللي بايع
واللي خايف من الكمين
********************
اللي ياكل في الكوارع
واللي بيحب السمين
واللي يلعن في الموانع
لما ياخد حقنتين
********************
شوفت واحد شكله صايع
جلده الأسود كان تخين
كان بيقلب في البضايع
لو محدش قال امين
*******************
واللي شايف نفسه ضايع
نفسه يعرف هو مين
زي ابوه في الشكل طالع
ولا شكل البوابين
*****************
والمشايخ في الشوارع
يحلفولك ١٠٠ يمين
اللي يخرج من الصنايع
يبقى زي المحسنين
******************
حقه يقطع في الصوابع
حقه يقتل في الجنين
غيروا لينا ألمراجع
كفرونا في كل دين
*********************
لما يبقى الجهل طابع
يبقى طابع على الجبين
موتونا في الجوامع
لاجل نرجع مسلمين
*****************
حرمونا على المراضع
لاعبونا على العجين
قلبوا لينا المواجع
عشنا زي الميتين
*********************
عشنا جوه في الصوامع
من بلدنا محرومين
احنا وولاد الشوارع
والغلابه المطحونين
*********************
امتي نبني في المصانع
امتي نخرج من الكمين
مهما يبقى البخت ضايع
ربنا هو المعين
ربنا هو المعين
