قصيدة : في حب النبي . مسابقة الشعر العامي بقلم / عبد الرحيم مبارك

بين الفرج والضيق

تلاقي ألف طريق

لو قلت بس يارب

تتفتح …المغاليق

حب النبي فرح للروح

والمدح طابلي وأتاني

له ريحه وعطر بيفوح

صعب اوصفه باالمعاني

حب النبي وقته طابلي

واتعلقت فيه حبالي

والله لاادقله طبلي

وأمدح في غالي ابن غالي

الورد والفل مفرود

حب وكرامه لنبينا

اعمل حسابك لما تعود

القبر مافهوشي زينه

حب النبي ك الدوا

وبريقه طاب مجاريح

ركب البراق واستوي

أسري وسبق الريح

ولا زي عسلك ونحله

ذكر محمد نبينا

من الفرقه الجزع ناحله

بكي جموع المدينه

نبي زين ولا زيه مخلوق

ربك شهدله في كتابه

إن وجه الدعوه علي فوق

علي طول فاتحله بابه

دنيا اتبنت لجل تنهار

والعبد ياخد جزاته

يعدل ويقلب ويحتار

من يوم ولادته لمماته

يونس نده ربه في الحوت

أغفر ذنوبي ياعالم

ليها هيبه والقبر مفحوت

يخشاها جاهل وعالم