قصيدة : قبل نهاية السنة .للشاعرة / بدرية محمود هاشم

قبل نهايه السنه دى

انا هاعترف

انِ اسأت اختياري

فى الصحاب

وانِ اتخدعت بجد

فعلا مش كلام

وفتحت قلبي

قبل بيتى لصحبتى

ولا شوفت منها

الا افعال اللئام

ومش هقول عن فعل

طيب منى ليها

ولا حضن وسنده

ادتهولها واهتمام

وحاولت ياما نصحها

ولما تم غرسها

قلعتنى بالجدر وسلام

ولما تيجى سيرتي

تحزن المدام

تقلب ف آيه الحقيقه

وكبير ما فيها تجيبه

فيا باقتدار

تلعن تقول ماقال

ف الخمر مالك بالتمام

يلعنها ساعه

عرفت فيها حضرِتك

صدق الشعر فيكى

و قال

لو يوم بتكرم اللئيم

ثار يوم عليك وتمردا

# ب د ر ي ه