ط
مسابقة الشعر العامى

قصيدة : قصاقيص الذكريات . مسابقة الشعر العامى بقلم / أيمن سيد يوسف الشاذلي

خاص مسابقة شعر العامية
الأسم أيمن سيد يوسف الشاذلي
البلد مصر
واتس وموبيل 01118843950

اللقب الشاعر أبو يوسف الشاذلي

قصيدة قصاقيص الذكريات

قصاقيص من ذكرياتي
منها إلي عايش
ومنها إلي مات
ومن ضمنها أنا
وفي حياتي أنا
ألوان زاهية وألوان باهتة
زي فصل الخريف
لما يعري الشجر
ويشيب شعر البنات
غريبة الدنيا لما تجرحنا أوي
في العيشة وقبل الممات
قصاقيص من ذكرياتي
فرح وحزن مخلوط
شنطة ومليانة دموع وآآآهات
وكلام تبدل ألم وسكوت
زي النخلة العاقر إلي
مفيهاش بلح كلها أشواك
وخطوط مرسومة في وشي
كل خط قصيدة مسروقة
قصة حب مدفونة ومحروقة
زي الدنيا المظلومة
الكل بيعشقها ويقول عليها ملعونة
قصاقيص من ذكرياتي
محفورة جواية تحكي لما أبكي ألف رواية
مش هفرح ولا أحزن تاني
علشان تاهت من قلبي كل الأسامي

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى